foto: adailypixel.comDjerba (en arabo جربة, Djirba) es la adá má grande del Mahgreb i de Afrika del Nord, kon un tamanyo de 514 km². Esta ubikada en el Golfo de Gabes, en la costa de Tunesia. La adá es konosida por las sus ermozas playas. Es uno de los pokos lares unde se favla un lashon bereber (tamazight).
El klima de la adá es bueno i el suelo esta bien sembrado. La su sivdad má grande es Houmt-Souk. Al prinsipio del syeklo XXI, en la adá ivan bivir unos 40 mil abitantes, de los kualos munshos ivan ser katolikos malteses ke lavoravan komo pishkadores de esponshas.
La adá es un destino turistiko, sobre todo para los turistas de Fransia, Almania, Italia y la Repuvlika Sheka. Un fakto ke atrae turistas a la adá es ke en el filmo Star Wars, munshas de las eszenas de eksteriores de Mos Eisley se ivan filmar en el anyo 1977 en el chiko puevlo de Ajim.
La adá tambien es konosida porla su ermozura, por ser el sentro de la sekta ibadi del islam i por la su minoria djudia, ke a egzistido en la adá por syéklos, afilu la keilá se iva reduzir en tamanyo por migrasiones a Yisrael i Fransia desde elanyo 1967.
La esnoga de El Ghriba es una de las má viejas i famozas esnogas del mundo i es un sentro de peregrinasyon para djudios tunesinos ke endagora biven Yisrael o Fransia. En el atako terrorista el 11 de Avril del anyo 2002, un kamion yeno de eksplosivos iva eksplotar serka de la esnoga, i amorto a 21 personas (14 turistas almanes, 5 tunesinos i dos franseses). Al-Qaeda iva reklamar la su responsavilita sovro el atako. Por un tyempo munshos turistas ivan dejar de visitar la adá, mas endagora munshos turistas la vijitan.
La leyenda dize ke Djerba iva ser la adá de los komedores de loto, kuando Odiseo iva viajar por la Mar Mediterraneo.
Informasion de la ansiklopedia libbera Vikipedia en lashon djudeo-espanyol
No hay comentarios.:
Publicar un comentario